17 دسمبر ، 2015 
عمران فاروق قتل کیس، ملزمان کے بینک اکاؤنٹس کی تفصیلات کیلئے درخواست
17 دسمبر ، 2015
راولپنڈی......ایف آئی اے نے عمران فاروق قتل کیس میں گرفتار ملزمان کے بینک اکاؤنٹس کی تفصیلات تک رسائی حاصل کرنے کے لئے انسداد دہشت گردی کی عدالت میں در خواست دائر کر دی ہے۔
ایف آئی اے کے انسداد دہشت گردی ونگ کی تفتیشی ٹیم کی جانب سے دائر درخواست میں عمران فاروق قتل کیس کے ملزمان معظم علی، خالد شمیم، محسن علی سید اور کاشف خان کے بینک اکاؤنٹس کی تفصیلات تک رسائی مانگی گئی ہے۔
ایف آئی اے کی جانب سے درخواست میں کہا گیا ہے کہ بینک اکاؤنٹس کی تفصیلات سے ملزموں کے آپس میں رابطوں کا پتا چلایا جائے گا اور سازش میں شامل معاونین اور پشت پناہی کرنے والے عناصر سامنے آئیں گے۔
درخواست میں مزید کہا گیا ہے کہ ملزموں کےبینک اکاؤنٹس کی تفصیلات کیس کے ٹرائل میں اہم ثبوت اور مرکزی حیثیت رکھتی ہیں ۔
مزید خبریں :
