ممبئی.......ہر سال کی طرح 2015میں بھی بالی ووڈ کی کئی فلموں نے باکس آفس پر کامیاب ترین بزنس کیا جن میں دبنگ خان کی فلم بجرنگی بھائی جان سر فہرست رہی جوتین ارب سے زائد کا بزنس کرنے والی رواں سال کی کامیاب فلم رہی۔

سلمان خان کی ایک اور فلم 'رتن دھن پایونے باکس آفس پر تہلکہ مچادیا جسے دنیا بھر کے لوگوں نے بے حد پسند کیا۔کنگ خان کی بات کی جائے تو حال ہی میں ریلیز ہونے والی فلم '’’دل والے‘‘ دنیا بھر میں اب تک 200کروڑ سے زائد کا بزنس کرنے میں کامیاب ہوچکی ہے۔گزشتہ دنوں دل والے کے ساتھ فلم باجی راؤ مستانی بھی ریلیز کی گئی جس نے بھارت میں اب تک 131کروڑ روپے سے زائد کی کمائی کر لی ہے۔

اس سال کی مشہور فلموں میں کنگنا رناوت کی فلم 'تنو ویڈ منوبھی شامل ہے جس نے باکس آفس پر تہلکہ مچادیا۔اس کے علاوہ فلم 'ویل کم بیک اور ورون دھون اور شردھا کپور کی فلم 'اے بی سی ڈی2 نے بھی باکس آفس پر کامیاب بزنس کیا جبکہ اکشے کمار کی دو فلمیں '’’گبر از بیک‘‘اور ’’بے بی‘‘نے دنیا بھر کے شائقین کے دل جیتے۔ بالی ووڈ کے معروف ڈائریکٹر ایس ایس راجا کی ہدایت کاری میں بننے والی فلم ’’باہو بلی‘‘نے بھی نہ صرف بھارت میں بلکہ دنیا بھر میں اپنی کامیابی کے جھنڈے گاڑھے۔