01 جون ، 2012 
ڈرٹی پکچر کے ری میکس: ایکتا کپور نے قانونی چارہ جوئی شروع کردی
01 جون ، 2012
ممبئی … سپر ہٹ بالی ووڈ فلم ” ڈرٹی پکچر“ کی ریمیکس کی خبریں ایک عرصے سے سننے کو مل رہی ہیں، لیکن اب ڈرٹی پکچر کی پروڈیوسر ایکتا کپور نے ان ری میکس کو روکنے کیلئے قانونی چارہ جوئی شروع کردی ہے۔ ایکتا کپور کی ہٹ فلم دی ڈرٹی پکچر کی ریمیکس کی منصوبہ بندی ان کی اجازت کے بغیر کچھ عرصے سے جاری ہے۔ فلم کی کناڈا ریمیک میں پاکستانی اداکارہ وینا ملک اور بنگالی ریمیک میں راکھی ساونت کو کاسٹ بھی کر لیا گیا ہے اور دونوں ہی ایکٹریسز آئے دن اس سلسلے میں بیانات بھی دیتی جا رہی ہیں، لیکن بالاجی موشن پکچرز کی طرف سے ان دونوں ہی فلموں کے پروڈیوسرز کو قانونی نوٹس بھیجے گئے ہیں کیونکہ انہوں نے اس سلسلے میں بالا جی فلمز سے اجازت نہیں لی جس کے پاس ڈرٹی پکچر کے حقوق محفوظ ہیں۔ ایکتا کپور کا کہنا ہے کہ ان کی فلم کا پلاٹ ان کی اجازت کے بغیر وہ ہر گز استعمال نہیں ہونے دیں گی۔
مزید خبریں :
ندا یاسر کو میزبانی کا شوق کسے دیکھ کر ہوا؟
15 جون ، 2025
بھارتی اداکارہ ثنا مقبول جگر کے عارضے میں مبتلا
14 جون ، 2025
