26 مئی ، 2016 
ملک نہ سول حکومت اکیلے چلا سکتی ہے نہ فوج، شہباز شریف
26 مئی ، 2016
وزیر اعلیٰ پنجاب میاں شہباز شریف نے کہا ہے کہ ملک نہ سول حکومت اکیلے چلا سکتی ہے اور نہ ہی فوج، یہ کام سب کو متحد ہو کر کرنا ہے۔
لاہور میں تقسیم اسناد کی تقریب سے خطاب میں وزیر اعلیٰ پنجاب شہباز شریف نے کہا کہ صوبے کے بچے بچیوں کو فنی تربیت و تعلیم سے آرستہ کرنا حکومت کی اولین ترجیحات میں شامل ہے، ملک میں جب بھی قدرتی آفات آئیں، سول ملٹری تعاون کی شاندار مثالیں ملیں، ملک کو بہتر طریقے سے چلانا سب کی ذمہ داری ہے۔
وزیر اعلیٰ پنجاب نے کہا کہ قائد اعظم اور اقبال نے جس ملک کا خواب دیکھا تھا وہ اب بھی ادھورا ہے، اگر ہم خود کو تبدیل کرنے کا عزم کر لیں تو کوئی طاقت ہمیں آگے بڑھنے سے نہیں روک سکتی۔
اتحاد اور مل جل کر کام کرنے کی عظمت کو بیاں کرنے کے لیے وزیر اعلیٰ نے جب اقبال کے شعر کا سہارا لیا تو حافظہ ساتھ چھوڑ گیا لیکن حاضرین محفل نے شہباز شریف کی یہ مشکل دور کر دی۔
مزید خبریں :
