31 مئی ، 2016 
وزیراعظم کی صحت یابی کیلئے دعائیں،گائے، بکروں کا صدقہ
31 مئی ، 2016
ملک بھر میں وزیر اعظم نواز شریف کی صحت یابی کے لیے خصوصی دعاؤں کا اہتمام کیا جارہا ہے،کئی شہروں میں گائے اور بکرے بھی صدقہ کیے گئے۔
وزیر اعظم نوازشریف کےکامیاب آپریشن اور جلد صحت یابی کے لیے ملک بھر میں دعائیں مانگی جارہی ہیں۔ سرگودھا میں مسلم لیگ ن کے کارکنوں نے وزیراعظم کی جلد صحت یابی کیلئے 2کالے بکروں کا صدقہ دیا اور دعائیں کیں ۔
رحیم یارخان کے علاقے میانوالی کریشیاں میں وزیراعظم کی صحت یابی کے لیے 5بکروں اور ایک گائے کا صدقہ دیا گیا، سیالکوٹ کے کینال ویو میں دعائیہ تقریب کا انعقاد کیا گیا اورصدقے کے طور پر بکرے بھی ذبح کیے گئے۔
بہاول پور اور مظفر گڑھ میں محفل میلاد اور قرآن خوانی کی گئی اور وزیراعظم کی درازی عمر کے لیے دعائیں مانگی گئیں، نوشہرہ میں مسلم لیگ ن کی خواتین ونگ اور مرد کارکنوں نے قرانی خوانی کا اہتمام کیا ۔
مزید خبریں :
