14 جون ، 2012 
افغانستان کے مستقبل پر کانفرنس آج ہوگی، 29 ممالک مدعو
14 جون ، 2012
کابل ... اتحادی فوج کے انخلاء کے بعد افغانستان کے مستقبل کے موضوع پر وزارتی کانفرنس آج کابل میں ہورہی ہے۔ایک روزہ کانفرنس میں 29 ممالک کو مدعو کیاگیا ہے جن میں پاکستان چین ، بھارت ، ایران ، روس ، سعودی عرب اور ترکی بھی شامل ہیں۔ کانفرنس کو Heart of Asia Ministerial Conference کا نام دیا گیا ہے جس میں نیٹو ، یورپی یونین اور اقوام متحدہ کے نمائندے بھی شرکت کریں گے۔ کانفرنس میں دہشت گردی کے خلاف جنگ ، منشیات کی اسمگلنگ ، قدرتی آفات سے نمٹنے اور خطے کے ممالک کے درمیان تجارتی اور اقتصادی تعلقات کو مستحکم کرنے سمیت مختلف معاملات پر غور کیا جائے گا۔ غیر ملکی نیوز ایجنسی کے مطابق توقع ہے کہ افغانستان پاکستان میں دہشت گردوں کے محفوظ ٹھکانوں کا معاملہ بھی کانفرنس میں اٹھائے گا۔
مزید خبریں :
کینیا میں شیر کے حملے میں 14 سالہ بچی ہلاک
20 اپریل ، 2025
امریکا کا شام میں فوجیوں کی تعداد ایک ہزار سے کم کرنے کا اعلان
20 اپریل ، 2025
