22 اگست ، 2016 
متحدہ کارکن گناہ کا حصہ نہ بنیں،مصطفیٰ کمال
22 اگست ، 2016
پاک سرزمین پارٹی کے سربراہ مصطفیٰ کمال کا کہنا ہے کہ میں ایم کیو ایم کے کارکنوں سے یہ نہیں کہتا کہ میرا ساتھ دیں میں کہتا ہوں کہ خاموشی سے علیحدہ ہوجائیںاس گناہ کا حصہ نہ بنیں۔
’جیو نیوز‘ کے پروگرام ’آج شاہ زیب خانزادہ کے ساتھ‘ میں گفتگو کرتے ہوئے انہوں نے مزید کہا کہ قائد ایم کیوایم دنیا میں سب سے رابطے میں ہیں، قائد ایم کیو ایم کو کوئی نہیں روک سکتا، روک سکتا ہوتا تو ہم روک لیتے۔
مصطفیٰ کمال نے کہا کہ قائد ایم کیو ایم کیسے آئسولیشن میں ہیں، چھ چھ بار تقریریں کررہے ہیں،ایک آدمی پاکستان مخالف نعرے لگوا رہا ہے ،اداروں کو گالی دے رہا ہے ۔
انہوں نے مزید کہا کہ فاروق ستار یہ ضرور کہہ رہے ہوں گے کہ بھائی نے مروا دیا، انہیں پریشانی یہ ہے کہ کارکنان مر کیوں نہیں رہے۔
