20 مئی ، 2025 
پاکستان
13 سالہ بچی 8 ویں جماعت کی طالبہ تھی، بچی کی کلاس میں گرمی اور حبس سے طبیعت بگڑی: ترجمان پی ڈی ایم اے/ فوٹو جیونیوز
بہاول نگر: سرکاری اسکول کی 8 ویں جماعت کی طالبہ گرمی کی شدت سے جاں بحق
20 مئی ، 2025
بہاولنگر میں سرکاری اسکول کی طالبہ گرمی کی شدت سے انتقال کرگئی۔
ترجمان صوبائی ڈیزاسٹر مینجمنٹ اتھارٹی کے مطابق یہ واقعہ ہارون آباد بہاولنگر کے سرکاری اسکول میں پیش آیا جہاں ایک طالبہ گرمی کی شدت کی وجہ سے دم توڑ گئی۔
ترجمان پی ڈی ایم اے نے بتایا کہ 13 سالہ بچی 8 ویں جماعت کی طالبہ تھی، بچی کی کلاس میں گرمی اور حبس سے طبیعت بگڑی۔
ترجمان کے مطابق بچی دل کے عارضے میں مبتلا تھی اور دل کا دورہ پڑنے سے بچی کلاس میں بےہوش ہوگئی جسے فوری طبی امداد کیلئے اسپتال لے جایا گیا تاہم بدقسمتی سے وہ جانبر نہ ہو سکی۔
