05 اکتوبر ، 2016 
آج تمام مکاتب فکر کے علما متحد ہیں: سردار یوسف
05 اکتوبر ، 2016
مذہبی امور کے وفاقی وزیر سردار یوسف نے کہا ہے کہ آج تمام مکاتب فکر کے علما متحد ہیں، یہ حکومت کی کامیابی ہے۔
علامہ طاہر اشرفی کہتے ہیں کہ ملک میں نہ کوئی تفرقہ ہے اور نہ انتشار، اگر کوئی خطرہ ہے تو صرف بھارت سے ہے ۔
اسلام آباد میں پاکستان علماء کونسل کے زیر اہتمام وحدتِ امت کانفرنس ہوئی، جس سےعلامہ طاہر اشرفی نے خطاب کرتے ہوئے کہا کہ امریکا اور اس کے اتحادی کئی برسوں سے عالم اسلام کو نقصان پہنچانے کی سازشیں کر رہے ہیں ۔
شیعہ علما کونسل کے علامہ عارف نے کہا ہے کہ پاکستانی قوم اور علما ایک ہیں، ہم توحید رسالت صحابہ کی عظمت اور قران کی حکمت پر متحد ہیں۔
وزیر مذہبی امور سردار یوسف نے کہا کہ آج ہم متحد ہیں کہ مذہب کے نام پر کسی قسم کی دہشت گردی اور قتل و غارت گری نہیں ہو گی ۔
مزید خبریں :
