20 جون ، 2012 
خواتین کیلئے غلیظ زبان استعمال کرنیوالوں کے جوتے مارینگے، سیمل کامران
20 جون ، 2012
لاہور … رکن صوبائی اسمبلی پنجاب سیمل کامران نے کہا ہے کہ لوٹے شیخ یا کسی حکومتی رکن نے اگر دوبارہ خواتین کے بارے میں غلیظ زبان استعمال کرنے کی کوشش کی تو دور سے نہیں قریب آکر اس کے سر پر جوتے ماریں گے، ایسی حرکت کا یہی ردعمل ہوسکتا ہے۔ انہو ں نے اپنے بیان میں کہا کہ وزیراعلیٰ پنجاب اور صوبائی وزیر قانون نے ہمیشہ کی طرح اب بھی لوٹوں اور چیلوں سے خواتین کے بارے میں تضحیک آمیز ریمارکس پاس کروائے کیونکہ پنجاب کی نالائق حکومت کے پاس اپوزیشن کے سوالوں کا جواب نہیں، کٹوتی کی تحریکوں پر پنجاب حکومت کو اصل چہرہ دکھایا، اس کے ردعمل میں ہمیں ٹارگٹ کیا گیا۔ سیمل کامران نے کہا کہ اپوزیشن کی خواتین اراکین اسمبلی کے بارے میں حکومتی بینچوں کا تذلیل پر مبنی رویہ پہلی بار سامنے نہیں آیا اس سے پہلے صوبائی وزیر چوہدری عبدالغفور، بشریٰ نواز گردیزی پر اسمبلی کے اندر حملہ کرچکے ہیں۔
مزید خبریں :
امریکا میں سفارتکاری: بلاول بمقابلہ بینظیر بھٹو
5 گھنٹے پہلے
گوادر میں زلزلے کے جھٹکے، شدت 3 ریکارڈ
9 گھنٹے پہلے
کراچی اور اورماڑہ میں زلزلے کے جھٹکے محسوس کیے گئے
10 گھنٹے پہلے
