28 اکتوبر ، 2016 
اسلام آباد: 2پی ٹی آئی کارکنوں سے شاک گنیں برآمد
28 اکتوبر ، 2016
اسلام آباد پولیس نے بنی گالہ میں پی ٹی آئی کارکنوں سے شاک گنیں برآمد کرلیں، یہ گنیں 5 ہزار واٹ کا الیکٹرک شاک دے کر کسی بھی شخص کو کچھ دیر کے لیے بیہوش کرسکتی ہیں۔
پولیس ذرائع کے مطابق ٹیزر گنیں حسن ابدال سے بنی گالہ آنے والے 6 میں سے 2 کارکنوں سے برآمد کی گئیں، ذرائع کا کہنا ہے کہ دونوں کارکنوں کے خلاف مقدمہ درج کرکے تفتیش شروع کردی گئی ہے کہ شاک گنیں کس مقصد کے لیے لائی گئی تھیں۔
ذرائع کا کہنا ہے کہ شاک گنیں فل چارج ہیں اور ان کے ذریعے فوری ہائی وولٹیج ڈائریکٹ کرنٹ کا جھٹکا دے کر کسی بھی شخص کو کچھ دیر کیلئے بیہوش کیا جاسکتا ہے ۔
علاوہ ازیں اسلام آباد اور راولپنڈی کے درمیان چلنے والی میٹرو بس سروس بند کر دی گئی، میٹرو انتظامیہ کا مؤقف ہے کہ نئے احکامات ملنے پر ہی میٹرو سروس بحال ہوگی۔
مزید خبریں :
