24 نومبر ، 2016 
اسرائیل :جنگلات میں لگی آگ پر دو دن بعد بھی قابو نہ پایا جاسکا
24 نومبر ، 2016
اسرائیل کے جنگلات میں لگنے والی آگ پر دو روز گزرنے کے باوجود قابو نہیں پایا جاسکا، پانچ یورپی ممالک یہ آگ بجھانے میں مصروف ہیں۔
عرب ٹی وی کے مطابق اسرائیل کو مقبوضہ بیت المقدس کے مغرب میں تل ابیب آنے والے راستے کی سمت درختوں سے بھرے علاقوں میں خوف ناک قسم کی آگ کا سامنا ہے جو تیزی کے ساتھ قریبی علاقوں میں پھیلتی جارہی ہے۔
اسرائیلی وزیراعظم بنیامین نیتن یاہو کی درخواست پر اٹلی، یونان اور قبرص سمیت پانچ یورپی ممالک نے آگ بجھانے کے لیے اپنے ہیلی کاپٹروں کو بھیج دیا ہے۔
آتشزدگی اور فضا میں دھواں پھیلنے کے باعث شہری دفاع کی ٹیموں نے رہائشی علاقوں کو خالی کرانے کی کوششیں تیز کردی ہیں۔
ترک صدر رجب طیب اوردوان نے اسرائیل کو آگ بھجانے میں مدد اور بڑے طیارے فراہم کرنے کی پیشکش کردی، جس پر اسرائیلی وزیر اعظم نے ان کا شکریہ ادا کیا۔
مزید خبریں :
حزب اللہ نے حسن نصراللہ کی تدفین کا اعلان کردیا
27 نومبر ، 2024
آکسفورڈ یونیورسٹی کے نئے چانسلر کا انتخاب ہوگیا
27 نومبر ، 2024
