29 نومبر ، 2016
صوبہ سندھ میں ترقیاتی منصوبوں کے معیار اور فراہمی کو بہتر بنانے کے لئے اے ڈی بی اور برطانوی ادارہ معالی معاونت کریں گے۔
ایشیائی ترقیاتی بینک کے اعلامیے کے مطابق سندھ میں بڑےترقیاتی منصوبوں اور سوشل سیکٹر میں بہتری کی ضرورت ہے، جسے حکومت اور نجی شعبے کے تعاون سے پورا کیا جاسکتا ہے۔
پبلک پرائیوٹ پارٹنرشپ کے تحت شروع کئے جانے والے منصوبے کے معیار اور ان کی فراہمی بہتر بنانےکے لئے کام شروع کیا گیا، جس پر 18 کروڑ 89 لاکھ ڈالر خرچ ہونگے۔
حکومت سندھ منصوبے پر 6 کروڑ 50 لاکھ ڈالر خرچ کرے گی، برطانوی ادارہ ، ڈی ایف آئی ڈی 1 کروڑ 92 لاکھ ڈالر گرانٹ اور 47 لاکھ ڈالر ٹیکنیکی معاونت کے طور پرفراہم کرے گا ۔
اے ڈی بی منصوبے کے لئے 10کروڑ ڈالر قرض دے گا، منصوبےکے تحت انفراسٹرکچر اور سرمایہ کاری کےدرمیان خلاء کم کرنے پر بھی کام ہوگا۔