26 دسمبر ، 2016 
حکمراں کامیاب ہوکر غریب کو بھول جاتے ہیں، خورشید شاہ
26 دسمبر ، 2016
اپوزیشن لیڈر خورشیدشاہ نےکہاہےکہ اللہ اس ملک کو ایسے حکمرانوں سے نجات دلائے جو غریب کے کندھے پر چڑھ کر آتے ہیں اور کامیاب ہوکر غریب کو ہی بھول جاتے ہیں۔
خورشید شاہ نے سکھر میں لیڈیزونگ کے زیراہتمام بینظیربھٹو شہید کی برسی کی تقریب سےخطاب کرتے ہوئے کہا کہ کچھ لوگ سیاست میں دولت کمانے آتے ہیں اور کچھ ایسے ہوتے ہیں جو عوام سے کئے گئے وعدوں پر جان نچھاور کردیتے ہیں،بی بی اور بھٹو موت کو شکست دے کر جیت گئے۔
ان کا کہنا تھا کہ ذوالفقاربھٹو کی شہادت کو 37 سال بیت گئے مگر لوگ آج بھی جئے بھٹو کے نعرے لگاتے ہیں، اللہ نے ان کے لیڈروں کو امر کرگیا ہے،آج لوگ روزگار کیلیے پریشان ہیں، غریب کے ووٹ سے اقتدار میں آکر غریب کو ہی بھول جانیوالے حکمرانوں کو ذوالفقارعلی بھٹواوربینظیربھٹو سے سیاست سیکھنی چاہیے۔
