28 دسمبر ، 2016 
یمن: مآرب کو باغیوں سے آزاد کرانے کے لئے آپریشن شروع
28 دسمبر ، 2016
یمن کے صدر ہادی کی فوج نے وسطی صوبہ مآرب کو باغیوں سے آزاد کرانے کے لئے آپریشن شروع کردیا ہے، جھڑپوں کے نتیجے میں کم از کم چالیس ہلاک ہوگئے ہیں۔
عرب ٹی وی کے مطابق صدر منصور ہادی کی وفادار فوج اور حوثی ملیشیا کے درمیان یہ جھڑپیں یمنی ضلع بیہان میں ہوئی جو شبوا اور مارب صوبوں کی سرحد پر واقع ہے، شبوہ میں ہونے والی گھمسان کی جھڑپوں میں ابتک چالیس افراد مارے گئے جن میں سے اٹھائیس کا تعلق حوثی ملیشیا سے اور بارہ فوجی ہیں۔
شبوا صوبے کا مکمل کنٹرول منصور ہادی کی فوج کے پاس ہے، اس دوران سعودی عرب کے زیر قیادت اتحادی فوج نے دارالحکومت صنعاء میں ضبوہ کے عسکری کیمپ کو شدید بمباری کا نشانہ بنایا اس کے علاوہ معزول صدر علی عبداللہ صالح کے زیر اثر علاقوں اور دیہاتوں پر بھی حملے کئے جس کے نتیجے میں 17 جنگجو ہلاک ہوگئے۔
سعودی عسکری اتحاد کی یمنی تنازعے میں مداخلت کے بعد سے سات ہزار افراد ہوچکے ہیں۔
مزید خبریں :
ڈونلڈ ٹرمپ نے اپنی 15 رکنی کابینہ کا انتخاب مکمل کرلیا
12 گھنٹے پہلے
اسرائیل اور حزب اللہ جنگ بندی کیلئے ابتدائی طور پر رضامند
25 نومبر ، 2024
یواے ای میں اسرائیلی مذہبی رہنما کے قتل کے شبے میں 3 افرادگرفتار
25 نومبر ، 2024
دبئی میں لاپتہ اسرائیلی مذہبی رہنما کی لاش مل گئی
24 نومبر ، 2024
