03 جنوری ، 2017 
استنبول حملے کاالزام،استنبول ائیرپورٹ سے دو غیر ملکی گرفتار
03 جنوری ، 2017
استنبول حملے کے الزام میں اتاترک ائیرپورٹ سے دو غیر ملکیوں کو گرفتار کیا گیا ہے، جبکہ متحدہ عرب امارات نے اپنے شہریوں کو ترکی کا سفر نہ کرنے کی ہدایت کردی ہے۔
عرب ٹی وی کے مطابق ترک پولیس نے نئے سال کے جشن کے دوران نائٹ کلب پر حملے میں ملوث ہونے کے شبہے میں استنبول کے اتاترک ایئرپورٹ سے دو غیر ملکیوں کو گرفتار کر لیا، تاہم اس سلسلے میں مزید تفصیلات فراہم نہیں کی گئی ہے۔
دوسری جانب کرغیزستان کے سکیورٹی ایجنسی اپنے شہری کی اس حملے میں ملوث ہونے کی تحقیقات جاری رکھے ہوئے ہیں۔ واضح رہے کہ استنبول کلب پر حملے کی ذمہ داری داعش نے قبول کر لی تھی۔
نئے سال کے موقع پر ہونے والے اس حملے میں کم از کم 39 افراد ہلاک ہوگئے تھے، جن میں سے زیادہ تر غیرملکی تھے۔ دوسری جانب متحدہ عرب امارات کی وزارت خارجہ نے اپنے شہریوں کو ترکی کا سفر نہ کرنے کا مشورہ دیا ہے۔
مزید خبریں :
یواے ای میں اسرائیلی مذہبی رہنما کے قتل کے شبے میں 3 افرادگرفتار
25 نومبر ، 2024
دبئی میں لاپتہ اسرائیلی مذہبی رہنما کی لاش مل گئی
24 نومبر ، 2024
اسرائیل نے لبنانی فوج کے اڈے کو نشانہ بنانے پر معافی مانگ لی
24 نومبر ، 2024
