18 مارچ ، 2017 
فاروق ستارکو رہا کردیا گیا
18 مارچ ، 2017
طلحہ ہاشمی...متحدہ قومی موومنٹ پاکستان کے سربراہ فاروق ستار کو پولیس نے چھوڑد یا ہے۔ذرائع کے مطابق اعلیٰ سیاسی مداخلت کےبعدفاروق ستارکورہاکیاگیا۔
فاروق ستار نے جیو نیوز سے خصوصی گفتگو کرتے ہوئے کہا کہ سیاسی جماعت کے سربراہ سے ناروا سلوک کیا گیا، بتایا بھی نہیں جارہا کہ ایسا کیوں کیا جارہا ہے۔
انہوں نے کہا کہ حکومت کی طرف سے اس طرح کے رویے پر افسوس ہوتاہے، حکومت پالیسی واضح کرے۔
فاروق ستار نے کہاکہ مجھے سب کے سامنے گرفتار کیا گیا،میں ڈیڑھ گھنٹے تک پولیس کی تحویل میں رہا۔
متحدہ قومی موومنٹ پاکستان کے سربراہ نے کہا کہ وہ کچھ دیر بعد پی آئی بی میں میڈیا سے گفتگو کریں گے۔
قبل ازیں فاروق ستار کو کراچی میں پی اے ایف میوزیم میں شادی کی تقریب سے واپسی کے دوران قانون نافذ کرنے والے اداروں کے اہلکاروں نے گرفتار کیا تھا۔
’جیو نیوز‘ کے نمائندے طلحہ ہاشمی کے مطابق سٹی ڈویژن پولیس نے فاروق ستار کو 22اگست کی اشتعال انگیز تقاریر اور ہنگامہ آرائی کے کیس میں گرفتار کیا تھا۔
