پیپلز پارٹی کے رہنما شرجیل میمن کو اسلام آباد ایئرپورٹ سے گرفتار کرلیا گیا ہے۔ ان کے ساتھ 4 صوبائی وزرا بھی تھے۔

نمائندہ جیو نیوز کامران رضی کے مطابق سادہ لباس اہلکاروں نے شرجیل میمن کو جہاز سے باہر نکلتے ہی گرفتار کیا ، وہ دبئی سے اسلام آباد پہنچے تھے۔

پیپلز پارٹی کے رہنما امداد پتافی اور وزیرٹرانسپورٹ سندھ ناصرشاہ نےگرفتاری کی تصدیق کردی ہے۔

ذرائع کے مطابق گرفتاری کےوقت شرجیل میمن کی سادہ لباس اہلکاروں کےساتھ ہاتھاپائی بھی ہوئی۔ شرجیل میمن کےساتھ سندھ کے3وزرااورایک معاون خصوصی اسلام آبادپہنچےتھے، امدادپتافی،مکیش چاولہ،فیاض بٹ اورتیمورتالپرشرجیل میمن کےساتھ طیارےمیں تھے۔

امداد پتافی نے جیو نیوز سے گفتگو کرتے ہوئے کہا کہ شرجیل میمن اپنی بے گناہی ثابت کرنے ملک آئے ہیں۔ انہو ں نے کہا کہ ایک شخص مقدمات کا سامنا کرنے ملک آیا اور اسے یہاں آنے کی سزا دی گئی ہے۔

امداد پتافی نے مزید کہا کہ عدالت سےرجوع کریں گےاورپُرامیدہیں کہ انصاف ملےگا۔

شرجیل میمن پونے دو سے ملک سے باہر تھے، ان پر خزانےکواربوں روپےکانقصان پہنچانےکاالزام ہے، انہو ں نےکئی باردبئی سےکراچی کےٹکٹ بھی کرائےلیکن منسوخ کرادیےتھے۔

شرجیل میمن نے اسلام آباد ہائی کورٹ سے 20 مارچ تک حفاظتی ضمانت لے رکھی تھی ۔انہوں نے عدالت کو 20 مارچ کو پیش ہونے کی یقین دہائی بھی کرائی تھی۔

پی پی رہنما نےاسلام آباد ہائی کورٹ میں 15 مارچ کو درخواست ضمانت دی تھی۔