27 مئی ، 2018 
پاکستان
پارٹی ٹکٹ کے فیصلے کے لئے پی ٹی آئی کے پارلیمانی بورڈ کا اجلاس طلب۔ فوٹو: فائل
تحریک انصاف نے پارٹی ٹکٹوں کیلئے پارلیمانی بورڈ کے اجلاس طلب کرلیے
27 مئی ، 2018
اسلام آباد: تحریک انصاف نے عام انتخابات میں حصہ لینے والے امیدواروں کے پارٹی ٹکٹوں کے فیصلے کےلیے پارلیمانی بورڈ کے اجلاس طلب کرلیے۔
پی ٹی آئی کے ترجمان فواد چوہدری کا کہنا ہے کہ 31 مئی کو اسلام آباد، 2 اور 3 جون کو پنجاب کے امیدواروں کا اعلان کردیا جائے گا۔
ترجمان کا کہنا ہے کہ 4 جون کو فاٹا، 5 جون کو سندھ اور 6 جون کو بلوچستان کے امیدواروں کا اعلان ہوگا۔
یاد رہے کہ 25 جولائی کو ہونے والے عام انتخابات کے لیے تحریک انصاف کی جانب سے بھرپور تیاریاں کی جارہی ہیں اور پہلے مرحلے میں کئی امیدواروں کے انٹرویوز بھی لیے گئے ہیں۔
