Can't connect right now! retry

دنیا
12 جولائی ، 2018

اسرائیل کا سرحد پار شامی فوجی پوسٹوں پر حملہ

اسرائیل نے گولن کی پہاڑیوں کے قریب میزائلوں سے فوجی ٹھکانوں کو نشانہ بنایا تاہم کوئی جانی نقصان نہیں ہوا، شامی سرکاری ٹی وی۔ فوٹو: فائل

دمشق: اسرائیل نے سرحد پار شامی فوج کے ٹھکانوں کو نشانہ بنایا جس کے نتیجے میں فوجی پوسٹوں کو نقصان پہنچا۔

غیر ملکی خبر رساں ادارے رائٹر کے مطابق اسرائیل نے گولن کی پہاڑیوں کی دوسری طرف شامی حدود میں فوج کی پوسٹوں کو نشانہ بنایا جب کہ اس کی ویڈیو بھی جاری کی گئی ہے۔

شام کی سرکاری خبر ایجنسی کا کہنا ہے کہ جنوبی صوبہ قونترا میں گولن کی پہاڑیوں کے قریب میزائلوں سے فوجی ٹھکانوں کو نشانہ بنایا گیا تاہم اس میں کوئی جانی نقصان نہیں ہوا۔

دوسری جانب اسرائیلی فوج کا کہنا ہے کہ اس نے اسرائیل کی حدود میں آنے والے ڈرون کو گرانے اور پھر مزاحمت کے بعد شامی فوج کی تین پوسٹوں کو نشانہ بنایا۔

اسرائیلی ڈیفنس فورس نے اپنے بیان میں کہا کہ شام اپنی حدود سے سرحد پار کارروائیاں روکنے کا ذمہ دار ہے، اگر سرحد پار سے کارروائیاں ہوئیں تو مزید اقدامات کیے جائیں گے۔ 

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM