19 جولائی ، 2018 
پاکستان
کراچی: تحریک انصاف کے انتخابی دفتر پر فائرنگ، ایک کارکن زخمی
19 جولائی ، 2018
کراچی کے علاقے قائدآباد میں تحریک انصاف کے انتخابی دفتر پر فائرنگ کے نتیجے میں ایک کارکن زخمی ہوگیا۔
فائرنگ کا واقعہ قائد آباد میں داؤد چورنگی کے قریب پیش آیا جس کے بعد ملزم جائے وقوعہ سے فرار ہونے میں کامیاب ہوگیا۔
فائرنگ کے نتیجے میں زخمی ہونے والے تحریک انصاف کے کارکن رحمت علی کو اسپتال منتقل کردیا گیا جہاں اسے طبی امداد دی جارہی ہے۔
پولیس نے دعویٰ کیا ہے کہ فائرنگ پیپلز پارٹی کے کارکن انور علی نے کی جو فائرنگ کے بعد فرار ہوگیا جب کہ فائرنگ کے مقام سے ایک ایس ایم جی اور 2 میگزین برآمد کرلیے گئے ہیں۔
