10 اگست ، 2018 
پاکستان
بچوں کے والدین کمرے کے باہر سونے کی وجہ سے محفوظ رہے—جیو نیوز اسکرین گریب
قصور: نواحی گاؤں میں خستہ حال مکان کی چھت گرنے سے 3 بہن بھائی جاں بحق
10 اگست ، 2018
قصور: صوبہ پنجاب کے شہر قصور کے نواحی گاؤں میں خستہ حال مکان کی چھت گرنے سے 3 بہن بھائی جاں بحق جبکہ ایک بہن شدید زخمی ہوگئی۔
ریسکیو زرائع کے مطابق نواحی گاؤں شیخ حماد میں واقع ایک پرانے خستہ حال مکان کی اچانک چھت گرگئی۔
چھت کے ملبے تلے دب کر 3 بہن بھائی نسیم، طاہر اور ماریہ جاں بحق ہوگئے جبکہ ایک بہن شدید زخمی ہو گئی۔
بچوں کے والدین کمرے کے باہر سونے کی وجہ سے محفوظ رہے۔
زخمی اور جاں بحق ہونے والوں کی لاشوں کو اسپتال منتقل کر دیا گیا۔
