16 اگست ، 2018 
پاکستان
رینجرز نے شہری کو کھلےعام اسلحے کی نمائش پر حراست میں لیا—۔ جیو نیوز اسکرین گریب
کراچی:قربانی کی بیل کےساتھ اسلحے کی نمائش کرنیوالا شہری رینجرز کے ہاتھوں گرفتار
16 اگست ، 2018
کراچی: عیدالاضحیٰ قریب آتے ہی ملک بھر میں جانوروں کی خریداری کے سلسلے میں بھی تیزی آگئی ہے، ایسے میں شہرِ قائد کے ایک باسی کو قربانی کے جانور کے ساتھ ہتھیار لے کر چلنا مہنگا پڑگیا اور رینجرز نے اسے گرفتار کرلیا۔
ہوا کچھ یوں کہ کراچی کے علاقے جمشید روڈ پر ایک شخص اپنی گائے کو ٹہلانے کے لیے نکلا، لیکن اس کے ہاتھ میں پستول بھی موجود تھا۔
اس حوالے سے اطلاع ملنے پر رینجرز اہلکار فوراً موقع پر پہنچ گئے اور مسلح شخص کو حراست میں لے لیا۔
ذرائع کے مطابق رینجرز نے شہری کو کھلے عام اسلحے کی نمائش پر حراست میں لیا۔
