04 فروری ، 2012 
کراچی: شیر شاہ میں پولیس مقابلہ، 4 افراد جاں بحق ، ایک ڈاکو زخمی
04 فروری ، 2012
کراچی . . . . . کراچی کے علاقے شیرشاہ کباڑی مارکیٹ میں پولیس اور ڈاکووٴں کے درمیان فائرنگ کے تبادلے کے نتیجے میں ایک اے ایس آئی، خاتون اور بچے سمیت 4 افراد ہلاک اور ایک ڈاکو زخمی ہوگیا۔ پولیس کے مطابق کباڑی مارکیٹ میں ڈاکولوٹ مار کررہے تھے کہ اس دوران پولیس کو دیکھتے ہی فائرنگ کاسلسلہ شروع ہوگیا، ڈاکووٴں کی فائرنگ سے پولیس کا ایک اے ایس آئی اور راہ گیر خاتون جاں بحق ہوگئی جبکہ فائرنگ کے نتیجے میں زخمی ہونے والا ایک بچہ اسپتال میں زخموں کی تاب نہ لاتے ہوئے چل بسا، پولیس کی جوابی فائرنگ سے ایک ڈاکو زخمی ہوگیا، جسے زخمی حالت میں گرفتار کرلیا گیا۔ جاں بحق پولیس اہلکار کا نام اے ایس آئی رحیم اللہ اور راہ گیر خاتون کا نام ند ا ہے ، اسی مقام پر پولیس مقابلے سے ایک گھنٹے قبل نامعلوم افراد کی فائرنگ سے ایک شخص ہلاک ہوا جس کی لاش سول اسپتال منتقل کردی گئی۔
