01 اکتوبر ، 2018 
پاکستان
پلازہ کی پانچویں منزل سے اب تک 11 افراد کو اسنارکل کی مدد سے نکال لیا گیا اور مزید 18 افراد کے پھنسے ہونے کی اطلاع ہے، ریسکیو ذرائع۔ فوٹو: جیو نیوز
کراچی: ٹیکنو سٹی کمرشل پلازہ میں آتشزدگی، 8 گھنٹے بعد قابو پایا گیا
01 اکتوبر ، 2018
کراچی: آئی آئی چندریگر روڈ پر واقع کمرشل پلازہ ٹیکنو سٹی میں لگنے والی آگ پر 8 گھنٹے بعد قابو پالیا گیا۔
کثیرالمنزلہ عمارت میں صبح 5 بجے اچانک آگ بھڑک اٹھی جسے بجھانے کے لیے فائر بریگیڈ کی ٹیموں نے ریسکیو آپریشن میں حصہ لیا۔
ریسکیو حکام کے مطابق متاثرہ عمارت کی پانچویں منزل سے 38 افراد کو اسنارکل می مدد سے ریسکیو کیا گیا۔
آگ کے باعث عمارت میں دھواں بھر جانے سے ریسکیو ٹیموں کو امدادی کاموں میں مشکلات کا سامنا رہا تاہم 8 گھنٹے کی انتھک محنت کے بعد آگ پر قابو پایا گیا۔
