18 دسمبر ، 2018 
پاکستان
بھارتی فوج نے ایل او سی کے راولا کوٹ سیکٹرمیں شہری آبادی پر فائرنگ کی، آئی ایس پی آر— فوٹو: فائل
بھارتی فوج کی ایل او سی پربلا اشتعال فائرنگ، 2 شہری زخمی
18 دسمبر ، 2018
بھارتی فوج کی جانب سے لائن آف کنٹرول (ایل او سی) کے راولا کوٹ سیکٹر پر بلا اشتعال فائرنگ کی گئی جس کے نتیجے میں دو شہری زخمی ہوگئے۔
پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق بھارتی فوج نے ایل او سی کے راولا کوٹ سیکٹرمیں شہری آبادی پر فائرنگ کی۔
آئی ایس پی آر کے مطابق بھارتی فوج کی بلا اشتعال فائرنگ سے 2 افراد زخمی ہوئے جن میں 16 سالہ محمد عدنان اور 47 سالہ محمد رشید شامل ہیں جنہیں اسپتال منتقل کردیا گیا ہے۔
آئی ایس پی آر کے مطابق پاک فوج نے جوابی فائرنگ میں بھارتی پوسٹوں کو نشانہ بنایا اور دشمن کی توپیں خاموش کرادیں۔
