شعیب ملک نے اپنے بیٹے کی پہلی تصویر جاری کر دی

پاکستان کرکٹ ٹیم کے سابق کپتان شعیب ملک نے کئی ہفتوں کا انتظار کروانے کے بعد بالآخر اپنے بیٹے کی تصویر جاری کر دی۔

شعیب ملک اور بھارتی ٹینس اسٹار ثانیہ مرزا کے ہاں رواں سال اکتوبر میں بیٹے کی پیدائش ہوئی تھی جس کا نام انہوں نے 'اذہان مرزا ملک' رکھنے کا اعلان کیا تھا۔

ثانیہ مرزا اسے کے قبل بھی اپنے بیٹے کی جھلک سوشل میڈیا پر اپنے فینز کو دکھا چکی ہیں لیکن یہ پہلا موقع ہے کسی تصویر میں اسٹار جوڑی کے اسٹار بیٹے کی واضح تصویر سامنے آئی ہے۔

شعیب ملک نے اپنے بیٹے کی تصویر ٹوئٹر پر اپنے مداحوں سے شیئر کی اور ساتھ لکھا کہ 'تیز ترین لین میں زندگی جینا بھی ایک تفریح ہو سکتی ہے! اب دنیا کو ہیلو کہنے کا وقت ہوا چاہتا ہے۔'