15 جنوری ، 2019 
پاکستان
— فوٹو: جیونیوز
کراچی میں 2 روزہ طبی آلات کی نمائش
15 جنوری ، 2019
کراچی: نجی اسپتال میں 2 روزہ طبی آلات کی نمائش منعقد کی گئی۔
اسٹیڈیم روڈ پر واقع نجی اسپتال کی جانب سے دوسری 2 روزہ کراچی ہیلتھ پروڈکٹ نمائش کا اہتمام کیا گیا جس میں ملک بھر سے 180 کمپنیوں کی جانب سے اسٹالز لگائے گئے۔
طبی آلات کی نمائش میں طب کے شعبے سے تعلق رکھنے والے افراد کی بڑی تعداد نے شرکت کی۔
میڈیا سے گفتگو میں منتظم ڈاکٹر سلمان فریدی نے بتایا کہ نمائش کا مقصد سپلائرز، درآمد کنندگان اور اس صنعت سے وابستہ کمپنیوں کو ایک چھت کے نیچے جمع کرنا ہے۔
نمائش میں ریڈیولوجی، مصنوعی اعضاء، طبی فرنیچر اور مریضوں کے حفاظتی سسٹم بھی رکھے گئے تھے۔
