16 فروری ، 2019 
’ڈسکو دیوانے‘ گانیوالے زوہیب حسن کا پی ایس ایل انتظامیہ کیخلاف قانونی کارروائی کا اعلان
16 فروری ، 2019
پاکستانی پاپ گلوکار زوہیب حسن نے پی ایس ایل 4 کی افتتاحی تقریب میں ان کی بغیر اجازت ’ڈسکو دیوانے‘ گیت گانے پر انتظامیہ کے خلاف قانونی کارروائی کا اعلان کیا ہے۔
پی ایس ایل 4 کی افتتاحی تقریب میں گلوکارہ آئمہ بیگ اور گلوکار و موسیقار شجاع حیدر نے ماضی کا مقبول گانا ’ڈسکو دیوانے‘ پیش کیا جسے پاپ گلوکارہ نازیہ حسن اور ان کے بھائی زوہیب حسن نے گایا تھا۔
زوہیب حسن نے فیس بک پر پوسٹ شیئر کرتے ہوئے برہمی ظاہر کی اور کہا کہ ’میں حیران ہوں کہ ایک معتبر پلیٹ فارم پی ایس ایل نے بغیر اجازت ’ڈسکو دیوانے‘ گانے کو پیش کیا‘۔
انہوں نے کہا کہ پی ایس ایل نے کاپی رائٹس کی خلاف ورزی کی ہے جس پر وہ قانونی کارروائی کریں گے۔
یاد رہے کہ ’ڈسکو دیوانے‘ وہ مقبول گانا ہے جسے دنیا بھر میں پسند کیا جاتا ہے اور متعدد فنکار اس گانے پر پرفارم بھی کر چکے ہیں جب کہ بالی وڈ فلم ’اسٹوڈنٹ آف دی ایئر‘ میں اس کا ریمیک بھی پیش کیا جا چکا ہے۔
دبئی میں 14 فروری کو پاکستان سپر لیگ کے چوتھے ایڈیشن کی افتتاحی تقریب منعقد کی گئی تھی جس میں جنون گروپ اور فواد خان سمیت دیگر فنکاروں نے پرفارم کیا۔
مزید خبریں :
شاہ رخ نہ سلمان، بھارت میں سب سے مقبول اداکار کون؟ فہرست جاری
21 نومبر ، 2024
ماں کے ہندو ہونے کے باوجود اے آر رحمان نے اسلام کیوں قبول کیا؟
20 نومبر ، 2024
