ویسٹ انڈیز کے کوچ مشتاق احمد کی حکمت عملی پاکستان کی شکست کی وجہ بنی

ناٹنگھم: ویسٹ انڈیز کرکٹ ٹیم کے معاون کوچ و سابق لیگ اسپنر مشتاق احمد کی حکمت عملی کامیاب رہی اور پاکستان کو ورلڈکپ کے پہلے میچ میں بدترین شکست کا سامنا کرنا پڑا۔

پاکستان کے سابق لیگ اسپنر مشتاق احمد اس وقت ویسٹ انڈیز کے معاون کوچ ہیں۔

مشتاق احمد نے ویسٹ انڈیز کے فاسٹ بولروں سے کہا تھا کہ وہ پاکستانی بیٹسمینوں پر شارٹ پچ گیندوں سے حملہ آور ہوں، یہی وجہ ہے کہ 140 اور 150کلو میٹر کی رفتار سے بولنگ کرنے والے فاسٹ بولروں نے قومی ٹیم کے بلے بازوں کو بے بس کردیا۔

ورلڈ کپ میں پاکستان کا مایوس کن آغاز، ویسٹ انڈیز کے ہاتھوں 7 وکٹوں سے شکست

پاکستان کی جانب سے دیا گیا 106 رنز کا ہدف ویسٹ انڈیز نے 14 ویں اوور میں تین وکٹوں کے نقصان پر پورا کر لیا

یاد رہے کہ پاکستان کرکٹ بورڈ نے مشتاق احمد کو نوکری سے نکال دیا تھا لیکن اب انہی کے مشوروں سے ویسٹ انڈین بولروں نے پاکستانی بیٹنگ کی خامیوں کا پردہ چاک کیا۔

مشتاق احمد نے اعتراف کیا ہے کہ میری حکمت عملی کامیاب رہی ہے اور پاکستان ٹیم 105رنز پر آؤٹ ہوکر میچ سات وکٹ سے ہارگئی۔

ٹرینٹ برج میں میچ کے لیے نئی اور باؤنسی پچ استعمال کی گئی تھی۔ 

دوسری جانب شرم ناک شکست کے بعد جب پاکستان ٹیم ڈریسنگ روم میں آرہی تھی تو مشتعل تماشائی جذبات پر قابو نہ رکھ سکے۔ 

آج ہمارا برا دن تھا، اگلے میچز میں کم بیک کریں گے: سرفراز احمد

ہم نے اچھی کرکٹ نہیں کھیلی لیکن ابھی ہمارے 8 میچز باقی ہیں: کپتان قومی ٹیم

سوشل میڈیا پر وائرل ہونے والی ویڈیو میں دیکھا جاسکتا ہے کہ تماشائی ذلت آمیز شکست کا اظہار کھلاڑیوں کو برا بھلا کہہ کر رہے ہیں جب کہ کھلاڑی شرمندگی اور ندامت میں ڈریسنگ روم میں داخل ہورہے ہیں۔

یاد رہے کہ آئی سی سی ورلڈ کپ میں پاکستان نے مایوس کن آغاز کیا اور اپنے پہلے ہی میچ میں ویسٹ انڈیز کے ہاتھوں شرمناک شکست کھائی۔

ناٹنگھم کے ٹرینٹ برج اسٹیڈیم میں کھیلے گئے میچ میں پاکستانی ٹیم بدترین کھیل کا مظاہرہ کرتے ہوئے 105 رنز پر آل آؤٹ ہوئی۔ 

گرین شرٹس کی جانب سے دیا گیا 106 رنز کا ہدف ویسٹ انڈیز نے باآسانی تین وکٹوں کے نقصان پر 14 ویں اوور میں پورا کیا۔

کرس گیل نے 50 جب کہ نکولس پورن نے 34 رنز کی اننگز کھیلیں، پاکستان کی جانب سے تینوں وکٹیں محمد عامر نے حاصل کیں۔