10 اگست ، 2012 
حکومت عدلیہ کی عزت کرتی ہے، ہمیشہ فیصلے تسلیم کئے، میاں منظور وٹو
10 اگست ، 2012
لاہور … وفاقی وزیر امور کشمیر و گلگت بلتستان میاں منظور وٹو نے کہا ہے کہ حکومت اور اس کے اتحادی عدلیہ کی عزت کرتے ہیں، اس کے فیصلوں پر ہمیشہ سر تسلیم خم کیا ، اب عوام توقع کرتے ہیں کہ اعلیٰ عدلیہ بھی حوصلے، تحمل اور بردباری سے کام لے گی۔ انہوں نے یہ بات لاہورمیں پیپلزپارٹی کے رہنماء منیر احمد خان کی جانب سے دیئے گئے افطار ڈنر میں خطاب کرتے ہوئے کہی۔ تقریب میں وفاقی وزیر ثمینہ خالد گھرکی اور دیگر پی پی رہنماء بھی شریک تھے۔ منظور وٹو کا کہنا تھا کہ ملکی مسائل کے حل کیلئے مسلم لیگ ن کی جانب سے بہتری کی تجاویز آنی چاہئیں، ڈرامہ بازی نہیں کرنی چاہئے۔ انہوں نے کہا کہ مسائل کاحل پارلیمنٹ کی مدت پوری ہونے میں ہے، حکومت بجلی کے بحران پر قابو پانے کی ہر کوشش کر رہی ہے۔
مزید خبریں :
امریکا میں سفارتکاری: بلاول بمقابلہ بینظیر بھٹو
9 گھنٹے پہلے
گوادر میں زلزلے کے جھٹکے، شدت 3 ریکارڈ
08 جون ، 2025
کراچی اور اورماڑہ میں زلزلے کے جھٹکے محسوس کیے گئے
08 جون ، 2025
