11 اگست ، 2012 
سندھی ہندو اپنی دھرتی چھوڑ کر نہ جائیں، صوبائی وزیر موہن لال کی اپیل
11 اگست ، 2012
جیکب آباد … صوبائی وزیر اقلیتی امور موہن لال کوہستانی نے سندھی ہندووٴں سے اپیل کی ہے کہ وہ اپنی دھرتی چھوڑ کر نہ جائیں۔ جیکب آباد میں سرکٹ ہاوس میں اقلیتی برادری کے لوگوں سے ملاقات کے بعد میڈیا سے گفتگو کر تے ہوئے موہن لال کوہستانی نے کہا کہ سندھی ہندو اپنی دھرتی کے خاطر قربانی دیں نہ کہ مسائل کے خاطر اپنی دھرتی کو چھوڑ دیں۔ انہوں نے مزید کہا کہ ہندووٴں کو تحفظ فراہم کر نے کے اقدامات کئے جارہے ہیں۔ موہن لال کوہستانی نے کہا کہ ہندووٴں کے مسائل حال کرنے کیلئے کمیشن قائم کر دئیے گئے ہیں۔ انہوں نے مزید کہا کہ زبردستی مذہب تبدیل کرنے کے قانون میں ترمیم کیلئے حکمت عملی تیار کی جارہی ہیں۔ انہوں نے کہا کہ سندھ کے حالات خراب کرنے میں وہ ہی عناصر ملوث ہیں جو 1947ء میں ہندووٴں کے خلاف ملوث تھے ۔
مزید خبریں :
امریکا میں سفارتکاری: بلاول بمقابلہ بینظیر بھٹو
10 گھنٹے پہلے
گوادر میں زلزلے کے جھٹکے، شدت 3 ریکارڈ
08 جون ، 2025
کراچی اور اورماڑہ میں زلزلے کے جھٹکے محسوس کیے گئے
08 جون ، 2025
