11 اگست ، 2012 
لوڈ شیڈنگ کیخلاف ٹینٹ آفس کا مثبت نتیجہ سامنے آیا، وزیراعلیٰ پنجاب
11 اگست ، 2012
لاہور … پنجاب کے وزیراعلیٰ محمد شہباز شریف نے کہا ہے کہ ڈھائی ماہ سے جاری ٹینٹ آفس کا مثبت نتیجہ سامنے آیا۔ پنجاب کے ساتھ ناانصافی کے حوالے سے کمیٹی تشکیل دی گئی ہے جو 7 دن میں سفارشات پیش کرے گی۔ وزیراعلیٰ پنجاب نے بارش کے باوجود ٹھوکر نیاز بیگ کے علاقے میں ٹینٹ آفس لگایا۔ جہاں انہوں نے سائلین اور مختلف وفود سے ملاقاتیں کیں۔ شہباز شریف نے کہا کہ پنجاب میں لاکھوں افراد بیروزگار ہوئے، معیشت کا پہیہ جام ہوا، لیکن زرداری ٹولہ ٹس سے مس نہ ہوا۔ لاہور میں امن و امان کے حوالے سے اجلاس سے خطاب کرتے ہوئے وزیراعلیٰ پنجاب نے یوم علی پر بہترین انتظامات کرنے پر پولیس کو شاباش دی۔ شہباز شریف کا کہنا تھا کہ پولیس شہریوں میں احساس تحفظ پیدا کرے تاکہ لوگ بلاخوف و خطر سکھ کی نیند سو سکیں، انٹیلی جنس نیٹ ورک کو تھانے کی سطح پر لے جانے اور اسپیشلائز یونٹ تشکیل دینے کی ضرورت ہے۔
مزید خبریں :
امریکا میں سفارتکاری: بلاول بمقابلہ بینظیر بھٹو
4 گھنٹے پہلے
گوادر میں زلزلے کے جھٹکے، شدت 3 ریکارڈ
9 گھنٹے پہلے
کراچی اور اورماڑہ میں زلزلے کے جھٹکے محسوس کیے گئے
10 گھنٹے پہلے
