17 دسمبر ، 2019
پولیس کو عام طور پر کسی سنگین مسئلے یا ایمرجنسی کے دوران طلب کیا جاتا ہے کہ لیکن حال ہی میں ایک امریکی خاتون نے انوکھے مسئلے پر پولیس کو طلب کر لیا۔
ریاست وسکونسن کی خاتون کو نہ ہی کسی مدد کی ضرورت تھی اور نا ہی وہ کسی ایمرجنسی کی صورت حال کا سامنا تھا بلکہ انہوں نے صرف اس لیے پولیس کو کال کی کہ کے ایف سی ریسٹورانٹ نے چکن سینڈوچ کے بدلے انہیں غلط آرڈر دے دیا۔
ریسٹورانٹ انتظامیہ نے خاتون سے کہا کہ آپ کوئی دوسرا سینڈوچ منگوالیں لیکن خاتون نے انکار کردیا۔
اسی دوران خاتون نے پولیس کو کال کی اور انہیں شکایت کی کہ ریسٹورانٹ نے انہیں دوسرا سینڈوچ دینے کا کہا، وہ یہ سینڈوچ نہیں کھانا چاہتی اور یہ کہ انہیں اپنے پیسے واپس چاہیں۔
پولیس حکام بھی خاتون کی شکایت پر حیران ہوگئے۔ انہوں نے خاتون اور ریسٹورانٹ اسٹاف دونوں کو سمجھایا کہ یہ پولیس کا معاملہ نہیں ہے اسے آپس میں خود ہی حل کیا جائے۔