02 فروری ، 2020 
پاکستان
کراچی میں مکان سے بڑی تعداد میں اسلحہ اور گولہ بارود برآمد
02 فروری ، 2020
کراچی کے علاقے فیڈرل بی ایریا میں اسپیشل سیکیورٹی یونٹ (ایس ایس یو) اورپولیس کی مشترکہ کارروائی کے دوران ایک مکان سے بڑی تعداد میں اسلحہ اور گولہ بارود برآمد کرلیا گیا۔
فیڈرل بی ایریا میں اسپیشل سیکیورٹی یونٹ اور پولیس نے خفیہ اطلاع پر کارروائی کی۔
اس دوران ایک مکان سے 38 ایس ایم جی، 9 آر پی جی، 60 دستی بم، 10 ڈیٹونیٹر، 7 مارٹر گولے، 75میگزین، بارود سے بھرے 53 باکس، ایک سٹیلائٹ فون اور 2 پاسپورٹ بھی برآمد کیے گئے۔
حکام کے مطابق کارروائی کے دوران کوئی گرفتاری عمل میں نہیں آئی، اسلحے کے حوالے سے مزید تحقیقات کی جارہی ہیں۔
