25 اگست ، 2012 
حکمرانوں نے ملکی سلامتی اور خود مختاری امریکا کو بیچ دی، سید منور حسن
25 اگست ، 2012
لاہور … امیر جماعت اسلامی پاکستان سید منور حسن نے امریکا کی طرف سے حالیہ ڈرون حملوں کی شدید مذمت کرتے ہوئے کہا ہے کہ حکمرانوں نے ملکی سلامتی اور خودمختاری امریکا کے ہاتھوں بیچ دی ہے۔ ان خیالات کا اظہار انہوں نے ہفتہ کے روز منصورہ سے جاری اپنے ایک بیان میں کیا۔ ان کا کہنا تھا کہ حکومت نے پہلی بار ڈرتے ڈرتے ڈرون حملوں پر برائے نام احتجاج کیا تھا جس کے بعد ان حملوں میں تیزی آگئی۔ سید منور حسن کاکہناتھا کہ نیٹو سپلائی بحال نہ کی جاتی تو اب تک امریکا افغانستان سے نکلنے کی راہیں تلاش کررہا ہوتا، خطے میں امریکی موجودگی ہی تمام مسائل کی جڑ ہے اور امریکی انخلاء تک یہاں امن قائم نہیں ہوسکتا۔ سید منور حسن نے کہا کہ حالات کا تقاضا ہے کہ حکمران فوری طور پر مستعفی ہوجائیں اور متفقہ عبوری حکومت قائم کرکے اقتدار اس کے حوالے کردیں تاکہ ملک میں نئے انتخابات کی راہ ہموار ہو اور قوم نئے سرے سے اپنے نمائندوں کا انتخاب کرسکے۔
مزید خبریں :
راول ڈیم میں نہاتے ہوئے 3 نوجوان ڈوب کر جاں بحق
40 منٹ پہلے
امریکا میں سفارتکاری: بلاول بمقابلہ بینظیر بھٹو
11 گھنٹے پہلے
گوادر میں زلزلے کے جھٹکے، شدت 3 ریکارڈ
08 جون ، 2025
