16 مئی ، 2020 
آزاد کشمیر میں لینڈ سلائیڈنگ، وادی نیلم کا ملک کے دیگر حصوں سے زمینی رابطہ منقطع
16 مئی ، 2020
آزاد کشمیر میں لینڈ سلائیڈنگ کے باعث شاہراہ نیلم کا بڑا حصہ نوسیری کے مقام پر ٹوٹنے سے ٹریفک معطل ہو گئی۔
لینڈ سلائیڈنگ کے باعث وادی نیلم کا زمینی رابطہ ملک کے دیگر علاقوں سے منقطع ہو گیا اور گاڑیوں کی طویل قطاریں لگ گئیں۔
لینڈ سلائیڈنگ سے وادی نیلم، کنڈل شاہی، جاگراں سڑک بھی ہر قسم کی ٹریفک کے لیے بند ہو گئی اور متعدد مکانات کو نقصان پہنچنے کا خدشہ ظاہر کیا جا رہا ہے۔
انتظامیہ نے لینڈسلائیڈنگ سے متاثرہ علاقوں میں مکانات خالی کرانا شروع کر دیے ہیں۔
مقامی ذرائع کےمطابق لینڈ سلائنڈنگ سے شاہراہ نیلم کا ملبہ نیلم جہلم ہائیڈرو پاورمنصوبے کے ان ٹیک ڈیم میں ٹوٹ کرگرا۔
ضلعی انتظامیہ کا کہنا ہے کہ سڑک کو دوبارہ بحال کرنے کے لیے محکمہ شاہرات کی ہیوی مشینری پہنچ گئی ہے اور امدادی کارروایوں کا آغاز کر دیا گیا ہے۔
