04 ستمبر ، 2012 
ایم کیو ایم کے ن لیگ سے مذاکرات، نائن زیرو آنے کی دعوت
04 ستمبر ، 2012
اسلام آباد… اسلام آباد میں حکومت کی اتحادی جماعت ایم کیوایم اور اپوزیشن جماعت مسلم لیگ نون کے درمیان مذاکرات ہوئے ہیں جس میں ن لیگ کو کراچی نائن زیرو آنے کی دعوت دی گئی ہے۔ ملاقات کے بعد میڈیا سے گفتگو میں ایم کیو ایم کے رہنما فاروق ستار کا کہنا تھا کہ ملاقات میں نواز شریف کو الطاف حسین کا سلام پہنچایا۔ انہوں نے کہا کہ قومی اتفاق رائے وقت کی اہم ترین ضرورت بن چکا ہے ، قومی اتفاق رائے سے قومی ایجنڈا بنایا جانا چاہیے۔ انہوں نے کہا کہ ملک کو سنگین خطرات لاحق ہیں۔ سینیٹر بابر غوری کا کہنا تھا کہ ن لیگ کے رہنماوٴں سے ملاقات میں پاکستان کے مسائل پر بات چیت کی۔ ن لیگ کے رہنما اسحاق ڈار کا کہنا تھا کہ ایم کیوایم قیادت کا پیغام نوازشریف اور شہباز شریف کو پہنچائیں گے۔ انہوں نے کہا کہ ایم کیوایم سے ملاقات کرکے ایسا لگا کہ وہ اپوزیشن کا حصہ ہے، قومی مسائل پر ایم کیوایم کے خیالات ہمارے جیسے ہیں۔
مزید خبریں :
پشاور میں مسجدکے باہر دھماکا، مفتی منیر شاکر جاں بحق
7 گھنٹے پہلے
سرمدعلی آل پاکستان نیوز پیپرز سوسائٹی کے صدر منتخب
8 گھنٹے پہلے
