29 اکتوبر ، 2020 
پاکستان
ویڈیو: پاکستانی سمندر میں بڑی تعداد میں ڈولفنز کے سیر سپاٹے
29 اکتوبر ، 2020
پاکستان کے سمندر میں بڑی تعداد میں ڈولفنز کی موجودگی ویڈیوز سوشل میڈیا پر وائرل ہو رہی ہیں۔
ڈبلیو ڈبلیو ایف پاکستان کی جانب سے سمندر میں کھیلتی ہوئی ڈلفنز کی دو ویڈیوز سامنے آئی ہیں۔
ڈولفنز کا ایک جھنڈ چرنا آئی لینڈ کے پانی میں نظر آیا جس میں 50 کے قریب ڈولفنز سمندر میں بلا خوف تیرتی ہوئی نظر آئیں جب کہ ڈولفنز کا دوسرا جھنڈ عبدالرحمان گوٹھ میں 80 ناٹیکل مائل کی دوری پر نظر آیا۔
ڈبلیو ڈبلیو ایف کے ماہرین کا کہنا ہے پاکستانی سمندر میں ڈولفنز کی اس طرح موجودگی بتاتی ہے کہ یہاں سمندری حیات کے لیے بہترین ایکو سسٹم موجود ہے جو ڈولفنز کی نسل کی افزائش کے لیے بھی موزوں ہے۔
