Can't connect right now! retry

کاروبار
13 جنوری ، 2021

پی ٹی سی ایل کی تمام سروسز کے لائسنس میں 25 سال کی توسیع

فوٹو: فائل

پاکستان ٹیلی کمیونیکیشن اتھارٹی (پی ٹی اے) نے پی ٹی سی ایل کی تمام سروسز کے لائسنس میں 25 سال کی توسیع کر دی۔

پی ٹی اے حکام نے جیو نیوز سے گفتگو کرتے ہوئے بتایا کہ 50 کروڑ میں پی ٹی سی ایل کی تمام سروسز کے لائسنسز میں 25 سال کی توسیع کی گئی ہے۔

حکام نے بتایا کہ پی ٹی اے اور پی ٹی سی ایل کے درمیان سروسز کی توسیع کے تجدیدی معاہدے پر دست خط کر دیے گئے ہیں۔

پی ٹی اے حکام کے مطابق پی ٹی سی ایل نے سروسز کی آئندہ 25 سالہ توسیع کے لیے ساڑھے 50 کروڑ روپےکی ادائیگی بھی کر دی ہے۔

حکام نے بتایا کہ پی ٹی سی ایل ڈبلیو ایل ایل کے اسپیکٹرم چارجز ہر سال الگ ادا کرے جس کامیکانزم بھی تبدیل کر دیا گیا ہے۔

پی ٹی سی ایل آئندہ 25 کے دوران ہر سال اس وقت ڈالر کے ریٹ کے حساب سے ادائیگی کرنے کا پابند ہو گا۔

پی ٹی اے حکام کا بتانا ہے کہ کوالٹی آف سروسز کے نئے ضابطہ کار پر تجدید لائسنس میں شامل کر دی گؕئی ہے، پچھلے لائسنس میں شرائط شامل نہیں تھے، تاہم صارفین کی شکایت کے پیش نظر نئے ضابطے شامل کئے گئے ہیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM