31 مارچ ، 2021 
کرک میں مندر کی تعمیر، عدالت نے ہندو کمیونٹی کو مداخلت سے روک دیا
31 مارچ ، 2021
سپریم کورٹ نے خیبر پختونخوا کے ضلع کرک میں مندر کی تعمیر فوری طور پر مکمل کرنے کا حکم دیتے ہوئے ہندو کمیونٹی کو مداخلت سے روک دیا۔
کرک سمادھی سے متعلق ازخود نوٹس پر سماعت سپریم کورٹ میں ہوئی۔
دوران سماعت ایڈووکیٹ جنرل خیبر پختونخوا کا کہنا تھا کہ کنٹریکٹر کام شروع کرنے والے تھے کہ ہندو کمیونٹی کے رہنما رمیش کمار نے ٹھیکیدار کو کام سے روک دیا۔
رمیش کمار کا کہنا تھا کہ سمادھی کی تعمیر کا ٹھیکہ جس کنٹریکٹر کو دیا گیا اس کی صلاحیت نہیں کہ وہ اسے مکمل کر سکے۔
سپریم کورٹ نے کرک سمادھی کا تعمیراتی کام جلد مکمل کرنےکا حکم دیتے ہوئے کہا کہ چیف سیکرٹری یقینی بنائیں کہ سمادھی کی تعمیر میں تاخیر نہ ہو۔
عدالت نے ہندو کمیونٹی کو تعمیراتی کام میں مداخلت سے روک دیا اور حکم دیا کہ سمادھی کی تعمیر 6 ماہ میں مکمل کی جائے۔
مزید خبریں :
پنجاب اسمبلی نے ترمیمی زرعی انکم ٹیکس بل منظور کرلیا
7 گھنٹے پہلے
کیا پیراتھائرائیڈکا علاج پاکستان میں ممکن ہے؟
9 گھنٹے پہلے
