ابو ظہبی…پہلے ایک روزہ انٹر نیشنل میں انگلینڈ نے پاکستان کے خلاف ٹاس جیت کر بیٹنگ کا فیصلہ کیا ہے۔ ابوظہبی میں کھیلے جارہے اس میچ کیلئے پاکستان ٹیم میں محمد حفیظ، عمران فرحت، اسد شفیق، یونس خان، مصباالحق، شاہد آفریدی، عمر اکمل، شعیب ملک، سعید اجمل، عمر گل اور وہاب ریاض شامل ہیں جبکہ انگلش ٹیم ان کھلاڑیوں پر مشتمل ہے۔ الیسٹر کک، کیون پیٹرسن، ٹروٹ، روی بوپارا، ایوان مورگن، کائیس ویٹر، پاٹیل، کرس براڈ، سوان، جیمس اینڈرسن اور اسٹیون فن۔کپتان مصباح الحق کا کہنا ہے کہ پاکستان اور انگلینڈ کی ون ڈے سیریز میں مقابلہ سخت رہے گا۔ اکتوبر میں بھارت نے انگلینڈ کو 5-0 سے ضرور ہرایا تھا لیکن ہمیں انہیں شکست دینے کے لئے سخت محنت کرنا ہوگی۔ انگلینڈ کے کپتان ایلسٹر کک نے کہا ہے کہ ٹیسٹ سیریز تین صفر سے ہارنے کے باوجود پاکستان کو ون ڈے سیریز میں نفسیاتی برتری حاصل نہیں ہے۔ البتہ وہ پر اعتماد انداز میں ون ڈے سیریز شروع کریں گے، سیریز جیتنا چاہتے ہیں، اچھی کارکردگی دکھانے کے لئے بے چین ہیں۔