20 مئی ، 2021 
پاکستان
کراچی میں شیر نے بچے پر حملہ کردیا
20 مئی ، 2021
کراچی کے علاقے گلبرگ میں شیر نے بچے پر حملہ کرکے اسے زخمی کردیا۔
فیڈرل بی ایریا بلاک 11 میں پالتو شیرکے بچے پر حملے کی سی سی ٹی وی ویڈیو سامنے آگئی ہے۔
ویڈیو میں دیکھا جاسکتا ہےکہ غیرقانونی طور پر شیرکو گھر میں رکھنے والے اسے سڑک پر ٹہلا رہے تھے کہ اس نے بچے پر حملہ کردیا۔
ویڈیومیں گلی میں کھیلتےنوجوانوں کو شیر سے بچےکو چھڑواتے ہوئے دیکھا جاسکتا ہے۔
پولیس کے مطابق یہ واقعہ 14مئی کی رات 11 بج کر 53 منٹ پر پیش آیا ، اطلاعات ہےکہ زخمی بچے اور شیر کے مالک کے درمیان صلح ہوگئی ہے، بچےکو اہلخانہ نجی اسپتال میں علاج کے لیے لےکرگئے تھے ، بچے کی حالت خطرے سے باہر ہے۔
پولیس کا کہنا ہےکہ شیر کےمالک کی گرفتاری کے بعد مقدمہ درج کر لیا جائےگا۔
