02 جون ، 2021 
پاکستان
'شہباز شریف کا نام ای سی ایل پر ہے، انہیں روکنےکیلیےحکومتی اپیل کی ضرورت نہیں'
02 جون ، 2021
وفاقی وزیر اطلاعات فواد چوہدری کا کہنا ہےکہ شہباز شریف کا نام ایگزٹ کنٹرول لسٹ (ای سی ایل) پر ہے تکنیکی طور پر سپریم کورٹ میں حکومتی اپیل کی ضرورت ہی ختم ہو جاتی ہے ۔
خیال رہے کہ حکومت نے سپریم کورٹ میں دائر شہبازشریف کو بیرون ملک جانے کی اجازت دینے کے لاہور ہائی کورٹ کے فیصلےکے خلاف اپیل واپس لے لی ہے۔
اس حوالے سے ٹوئٹر پر ردعمل دیتے ہوئے فواد چوہدری کا کہنا تھا کہ اپیل کا مقصد پہلے ہی پورا ہو چکا ہے، شہباز شریف کا نام چونکہ اب ای سی ایل پر ہے اور انھوں نے اپنی پٹیشن ہائی کورٹ سے واپس بھی لے لی ہے۔
ان کا کہنا تھا کہ تکنیکی طور پر سپریم کورٹ میں حکومتی اپیل کی ضرورت ختم ہو جاتی ہے کیونکہ اپیل کا مقصد پہلے ہی پورا ہو چکا ہے۔
