10 اکتوبر ، 2012 
لاہور:نامعلوم افراد کی فائرنگ سے ایک شخص ہلاک، 7زخمی
10 اکتوبر ، 2012
لاہور…لاہور ریلوے اسٹیشن کے قریب بوہڑ والا چوک میں نامعلوم موٹر سائیکل سواروں کی اندھادھند فائرنگ سے ایک شخص ہلاک اور 2راہ گیروں سمیت7افراد زخمی ہوگئے۔ زخمیوں کے مسلح ساتھیوں کی اسپتال میں موجودگی سے مریضوں کے علاوہ اسپتال کے عملے میں بھی خوف وہراس پھیل گیا۔ پولیس کے مطابق نامعلوم موٹرسائیکل سواروں نے لاہور ریلوے اسٹیشن کے قریب وسیم ٹپنا نامی شخص کی گاڑی پر اندھا دھند فائرنگ کر دی، جس سے وسیم ٹپنا کا ساتھی عالمگیر ہلاک جبکہ وسیم پانچ ساتھیوں سمیت زخمی ہوگیا۔ فائرنگ سے 2راہگیر بھی زخمی ہوئے۔ وسیم ٹپنا کو میو اسپتال منتقل کیا گیا، جہاں اس کے مسلح ساتھیوں کا جھمگٹا لگ گیا، یہ لوگ پولیس کی موجودگی میں سرعام اسلحہ لیکر پھرتے رہے، اس موقع پران کی تکرار بھی ہوئی۔ مسلح افراد کی موجودگی کی وجہ سے مریضوں اوران کے لواحقین کے علاوہ اسپتال کے عملے میں بھی خوف وہراس پھیل گیا۔
مزید خبریں :
