09 جولائی ، 2021 
پاکستان
کوٹری اسٹیشن پر مال بردار ٹرین کی مزید دو بوگیاں ڈی ریل ہو گئیں
09 جولائی ، 2021
کوٹری اسٹیشن کے ڈاؤن یارڈ میں مال بردار ٹرین کی 2 بوگیاں ڈی ریل ہو گئیں۔
ریلوے ذرائع کے مطابق مال بردار ٹرین کی دو بوگیاں ڈی ریل ہونے پر عملے کو طلب کر لیا گیا اور بوگیوں کو دوبارہ ٹریک پر لانے کا کام جاری ہے۔
ریلوے حکام کا کہنا ہےکہ اسٹیشن یارڈ میں بوگیاں اترنے سے ریلوے ٹریفک معطل نہیں ہوا اور ٹرینوں کی آمدورفت بلا تعطل جاری ہے۔
یاد رہے کہ 3 روز پہلے بھی اسی مقام پر مال بردار ٹرین کی 2 بوگیاں ڈی ریل ہوئی تھیں، حادثے کے مقام کا ٹریک مکمل خراب ہو چکا ہے۔
