12 جولائی ، 2021 
سونےکی لالچ میں دوست کو قتل کرنیوالے 3 بھائی گرفتار
12 جولائی ، 2021
کراچی کی مویشی منڈی کی پارکنگ میں گذشتہ دنوں کھڑی گاڑی سے لاش ملنے کی تحقیقات میں پیش رفت ہوئی ہے۔
پولیس تحقیقات کے مطابق مقتول کی شناخت اویس کے نام سے ہوئی ہے جو کہ جیولری کا کام کرتا تھا اور واقعےکے روز اس کے پاس 30 تولا سونا موجود تھا۔
پولیس کے مطابق اویس کے قتل میں ملوث 3 بھائی گرفتار کرلیےگئے ہیں جو کہ مقتول کے دوست بھی تھے۔
تحقیقات کے مطابق ملزمان بہانے سے اویس کو مویشی منڈی لےگئے اور شراب میں زہر ڈال کر اویس کو قتل کیا، 2 جولائی کو مویشی منڈی کی پارکنگ میں گاڑی سے اس کی لاش ملی تھی۔
پولیس کا کہنا ہے کہ ملزمان نے عبدالعزیز نامی سنار کو سونا فروخت کیا تھا،اسے بھی گرفتار کرلیا گیا ہے اور 3 کلو پِگھلا ہوا سونا بھی برآمد کرلیا گیا ہے، اویس لیاری کے علاقے بغدادی کا رہنے والا تھا ۔
