21 اگست ، 2021 
پاکستان
قانون کے محافظ کا اپنا بچہ لاپتہ، ماں رو رو کر بے حال
21 اگست ، 2021
لاہور میں قانون کے محافظ کی اہلیہ مریم اپنے مغوی بچے کی تلاش کیلئے ماری ماری پھر رہی ہے۔
فرخ آباد شاہدرہ کی رہائشی مریم نسیم دو ماہ سے اپنے لخت جگر کے غم میں رو رو کر بے حال ہے ، اس کا ڈھائی سالہ بچہ حسین طٰحہ 27جون کو گھر سے نکلا اور پھر اچانک غائب ہوگیا۔
دکھی مریم نسیم کا کہنا ہے کہ بچے کے اغواء کا مقدمہ شاہدرہ تھانے میں درج کیا گیا، پولیس نے ملزموں کو پکڑ کر چھوڑ دیا، اس کا خاوند خود ہیڈ کانسٹیبل ہے لیکن اپنے محکمے کے خلاف بات نہیں کرتا۔
مریم نسیم نے بچے کی بازیابی کیلئے آئی جی پولیس اور وزیر اعلیٰ پنجاب کو بھی درخواست دی ہے۔
وزیراعلیٰ آفس نے مغوی بچے کی بازیابی کےلیے پولیس کو احکامات بھی جاری کردیے ہیں۔
