06 ستمبر ، 2021 
پاکستان
کراچی میں غیرت کے نام پر لڑکا قتل، لڑکی زخمی
06 ستمبر ، 2021
کراچی کے علاقے ابوالحسن اصفہانی روڈ پر غیرت کے نام پر لڑکے کو قتل کر دیا گیا جبکہ لڑکی زخمی ہو گئی۔
ابو الحسن اصفہانی روڈ قائداعظم کالونی میں غیرت کے نام پر چھری کے وار کر کے لڑکے کو قتل اور لڑکی کو زخمی کر دیا گیا۔
پولیس کے مطابق لڑکی کے بھائی اور ماموں نے غیرت کے نام پر لڑکے اور لڑکی کو زخمی کیا تھا، حملے میں زخمی 22 سال کا ماجد دوران علاج اسپتال میں دم توڑ گیا جبکہ 20 سالہ گلناز کو زخمی حالت میں اسپتال منتقل کر دیا گیا۔
پولیس کا کہنا ہے کہ ملزمان کو گرفتار کر لیا گیا ہے اور ان سے تفتیش کی جا رہی ہے۔
