یورپی یونین کا افغانستان اور پڑوسی ممالک کیلئے ایک ارب یورو کے پیکج کا اعلان
12 اکتوبر ، 2021
یورپی یونین نے افغانستان اوراس کے پڑوسی ممالک کا امدادی پیکج ایک ارب یورو تک بڑھا دیا۔
یورپی کمیشن کی سربراہ اروسولاوان ڈیرلیین نے اعلان کیا کہ یورپی یونین افغان امدادی پیکج کیلئے مزید 700 ملین یورو جاری کرے گا جبکہ یورپی امداد افغانستان میں انسانی، سماجی ومعاشی ضروریات پرخرچ ہوگی۔
ان کا کہنا تھاکہ یورپی امداد کا کچھ حصہ افغان شہریوں کو پناہ دینے والے پڑوسی ممالک کو دیا جائے گا۔
صدریورپی کمیشن کا کہنا تھا کہ افغانستان کو انسانی، سماجی و معاشی تباہی سے بچانے کیلئے ہرممکن کوشش کرنا ہوگی۔
انہوں نے مزید کہا کہ طویل المیعاد امداد کیلئے طالبان کو یورپی یونین کی 5 شرائط کو پورا کرنا ہوگا۔
مزید خبریں :
مارک زکربرگ ایک دن میں 50 کھرب روپوں سے محروم
2 گھنٹے پہلے
